السبت، ديسمبر 04، 2010

انتفاضة الحرية بميدان التحرير


من جديد عاد الأمل فى نخبة وطنية واعية ترقى لتطلعات الأمة المصرية...

http://www.facebook.com/event.php?eid=180122805333054&index=1

فبعد المقاطعة الاستباقية لمهزلة الانتخابات البرلمانية و التى كانت قرار أحزاب الغد و الجبهة الديمقراطية و الوسط ، جاء قرار حزب الوفد و جماعة الاخوان المسلمين بالانسحاب من تمثيلية انتخابات الاعادة كصفعة مدوية للطغاة

أيقظ لحنها آمال الشعب المصرى فى توحد نخبتة صفاً واحداً فى وجة نظام أمعن فى اذلال المصريين و سحق كرامتهم و جعل من ارادتهم نسياً منسياً لا يقام لة وزناً و... لا يحسب لة اعتباراً

فى هذة المرحلة المفصلية من تاريخ مصر تلوح فرصة التغيير سانحةً بالشروع فى العصيان المدنى لافساد مخطط التوريث الوشيك

ندعو القوى الوطنية للتظاهر صباح الاحد 5/12/2010
لفضح فجرهم فى إغتصاب البرلمان عبر هزلية الانتخابات

حتى الأن تم تأكيد مشاركة الكيانات الأتيه :
حزب الغد جبهة " أيمن نور " ( إتحاد الشباب الليبرالي )
حزب الكرامة " حمدين صباحي "
الجبهة الحرة للتغير السلمي
شباب من اجل العدالة والحرية
رابطة دعم البرادعي
حملة طرق الأبواب
حركة حشد
وفى انتظار موافقة كيانات أخرى اليوم
وجديدنا
نعلن رسميا انضمام الجبهه الحره للتغير السلمى وشباب العداله والحريه ورابطه دعم البرادعى وذلك بعد انضمام حزبى الغد والكرامه
وجاري الاتصال بكيانات اخري
حركة مصرية واحدة
اهدافنا واحدة

التغيير هدف مشترك
http://www.facebook.com/video/video.php?v=467031632652

حركة مصرية واحدة
للاستفسار والمشاركة
0161026477
0165686288
0116436635

شكرا لكم وأرجو النشر
شكرا

السبت، مارس 27، 2010

لأ لأ ظلمتوهم !!!

لأ لأ ظلمتوهم !!!
---

الأول إزيكم وأخباركم إيه ... بس صحيح أنا مشعارف أبدا إزاي ... الموضوع كبير ... هو كبير بعقل ... ده كبير بكتير أوي
بس مش مهم لأننا إتعودنا على كده ... آه والله إتعودنا ... فساد ... فساد ... فساد ...< حتى بقا فيه عشم بينا وبين الكلمة دي وود
وعادي يعني الكلمة معدتش غريبة ... آه والله ... حتى قول كده وقولي فساد ... عادي يعني الكلمة مفيهاش حاجة <<< ده فساد
المهم عشان منطولش عن كده في كلام لت وعجن
موضوعي النهاردة غريب في كميته
مش غريب من نوعه لأن نوعه يمكن متعودين عليه ... هههههه آه والله متعودين
المهم وأنا قاعد كده في قعده جميلة قولت يااااااه ده أنا واحشني أوي برنامج 90دقيقة وواحشني أوي الدمرداش وانا أصلا من
متابعي القاهرة اليوم يعني متابعي عموره بس أنا قولت النهاردة قررت أتفرج على الدمرداش ومش هقول يارتني متفرجت بس
المهم اللقاء كان جميل والبرنامج كان رائع كعادته ولكن المشكلة في الموضوع اللى كان بيتناقش
تخيلوا كده معايا الكرثة ... آه والله كرثة... بص بص كده
254 ألف طن لحوم بها ديدان في مصر
آه والله ديدان
آه والله 254 ألف طن لحمة <<<< عارف يعني قد إيه ... يعني
254000000 كيلو لحمة
بلاش أصفار
يعني 254 مليون كيلو لحمة
شفتوا بقا انا بقولكوا
النصيبة في الكمية
آه والله بصوا بقا الحكاية ..........<
إستضاف معتز الدمرداش صحفي الوفد الأستاذ ياسر شورى اللى فجر هذه القضية وإستضاف أيضا مسئول من الحكومة للرد عليه وكان معاهم واحد أقسم بالله انا لا أعرف ده مع مين ولا ضد مين لدرجة ان معتز كان قاله هل أنت موافق على اللى بيتقال ده ولا أنت رأيك إيه ؟ رد عليه قالو لأ طبعا بس انا مؤجل ردي للآخر ههههههههه ومشفتوش إتكلم بحاجة مفيدة لغاية ما الحلقة إنتهت .
الموضوع إن في 254 ألف طن لحمة هولندية دخلت مصر اللحمة دي لحمة فاسدة وبها ديدان واللى عرفت وان أصلا في لحمة بتدخل مصر وممكن يكون فيها ديدان صغيرة جدا بتتكشف في المعامل وبيقولو إنهم بيستأصلو الجزء المصاب والباقي يدخل من الجثة بس المشكلة ان اللحمة اللي بنتكلم عليها الديدان اللى فيها واضحة جدا جدا جدا جدا اللحمة دي دخلت يوم 10/3/2010 نقلا عن الصحفي والموضوع متكتم عليه وخلاص عدى ولكن تم مهاجمة الصحفى اللى معاه مستنداته وكل أدلته وصور اللحمة كمان بس للأسف انا بحاول أجيب الصور ...
المهم إن المسئول اللى موجود هو مدير عام للرقابة الغذائية وقال إنو يجب دراسة اللحمة أولا وهو ده همه وقال إنه يهمه تقرير المعمل ولا يرد عن الفساد الموجود وتقرير المعامل إن هذه الكميات من اللحوم لا تصلح للإستخدام الآدمي لوجود بها حويصلات ساركوسيزت وده اللى قدمه ياسر شورى ... فرد المسئول المحترم وقال انا ليا بتقرير المعمل بتاعي ومليش دعوة بأى معمل تاني واللى معرف بأن المعمل مش بيكشف على الحاوية أو الكمية كلها بل بيجيلوا عينة بمقدار محدد بس ... العينة دي سليمة تبقى اللحمة تمام والعكس صحيح فاللى بيحصل انب تروح عينة سليمة والكمية التانية زفت وطين فبالتالى بتدخل مصر بسهولة .
والنصيبة ان المستورد اللى بيستورد اللحمة دي بيروح معاه مسئول بيطري بس اللى حاصل إن المستورد بياخد الراجل الموظف ده على حسابه يعني الموظف بيسافر معاه عشان يجيبوا اللحمة والمفروض إنه بيراقب جودتها وبيتأكد منها هناك من خارج البلاد بس اللى بيحصل إن الموظف بيسافر مع المستورد آكل شارب نايم قابض ومش دافع جنيه وده اللى بيحصل
فعمر الموظف اللى بيقبض ملاليم من الحكومة هيقول لأ للمستورد وده إلا من رحم ربي عشان أكيد في ناس شرفاء المهم نكمل كلامنا وفي وسط الكلام حصل مداخلة تليفونية من الأستاذ محمد عبد الواحد رئيس قسم الطفيليات بمعهد صحة الحيوان ... قال إيه بقا : مفيش في إيده غير إنه يقول إن العينة نتيجتها إيجابية أو سلبية (( من المرض )) !!! يعني ميقدرش يمنع دخولها مصر وكمان من كلامه يؤكد إنه يوجد لحمة مصابة فعلا ً.
وتمت إثارة حاجة تانية إنه وزير الزراعة السيد أمين أباظة قال أنه يوجد أزمة في اللحوم في مصر وسمح بإستيراد اللحوم عن طريق القطاع الخاص (( المستورد )) مع وجود طبيب بيطري مرافق ليه .....
وتمت مداخلة وهيا الغريبة من نوعها
مداخلة من وزير الزراعة السيد أمين أباظة وبيقول إيه بقا : الموضوع ده لا يوجد له أصل أساسا َ ولا توجد لحوم دخلت مصر بها إصابة ولما إتسأل عن الساركوسيزت رد قال : (( على حسب ما اعرف ده طفيل )) !! ده كلام مين بقا يا جماعة << وزير الزراعة اللى المفروض إنه على علم تام بانواع الطفيليات والكلام ده عشان المفروض إنه خريج زراعة أو فاهم في الإدارة اللي مسئول عنها صح ولا إيه ؟؟؟
وتم سؤاله
س : ليه الحكومة مش بتستورد هيا اللحمة ؟
ج : كان المفروض إنى أسمع إجابة مفيدة بس قال : إن الأصل في الإستيراد إنها مش شغلة الحكومة وده تابع للقطاع الخاص ولو تم أي قصور بيتم تدخل الوزارة وطالما الأمر يتم تحت إطار قانوني خلاص !!! وكون إن الدولة تستورد أو متستوردش ده مش إختصاصي ووزارة الزراعة ليس لها أي نشاط تجاري ,,,, ومفيش لحمة فاسدة دخلت مصر ,,,,
وبرضو نرجع ونقول من الآخر إننا ظلمناهم خالص مالص
انا بس حبيت أنقلكم الخبر وأكلمكم فيه ولازم ناخد بالنا ونحافظ على نفسنا
وممكن إنكم تراجعوا الحلقة وعامه الحلقة دي حلقه يوم 24 / 3 / 2010 الموافق يوم الأربعاء
وزمان اللحمة إتفرمت وبناكلها في الهمبورجر والسوسيس والمفروم وألف هنا وشفاء يا مصريين :P
وباي وباي لغاية أما نتقابل تاني

الجمعة، نوفمبر 27، 2009

كل عيد أضحى وانتم طيبين

كل عيد أضحى وانتوا طيبين
يارب السنة القادمة نكون على عرفات إن شاء الله
يارب تقبل دعائنا
عيد سعيد عليكوا
وعلى أسركم الكريمة
ولكم مني من الإسم عبد الحميد
ومن اللقب متولي
ومن البلاد مصر برضو
أطيب الأمنيات والتهنئات
.........

الثلاثاء، نوفمبر 24، 2009

الحب (( أقوال وأفعاال )) مش أقوال وبس




الحب
-----------

أجمل شىء في الوجود خلقه رب العالمين وبعثه في قلوبنا لننفذه ليس لمعرفته فقط
فالحب موجود في كل جوانب الحياه
حب الله عز وجل
حب النبي صلى الله عليه وسلم
حب الدين والصحابة

حب النفس

حب الوالدين
حب إخوتي
حب الأهل
حب الأصدقاء
حب الناس
حب الحب
وده بقا اللي عاوز اتكلم فيه
حب الحبيبة
الناس الى دائما بتقول حب ايه وبتاع إيه
الحب ده كان زمان الوقتي مفيش حاجة اسمها حب
لا
وألف لا
العيب مش في الحب
مش الحب اللى انتهى
إحنا اللى نهينا على الحب
العيب فينا إحنا
لإننا معرفناش معنى الحب
الحب حاجة رائعة جدا جدا جدا لو حسيت بكلمة (( بحبك )) اللى بتقولها لحبيبتك عمرك ما هتكون غير سعيد ومبسوط
لأنها كلمة جميلة أوي تفرق أوي عن أى كلمة تانية
ولو حسيت كلمة (( بحبك )) اللى بتقولهالك حبيبتك
هتكون أسع
د إنسان في الكون كلو
بس لازم تكون انت فعلا وهي فعلا متأكدين من الحب ده
صادقين في حبكم لبعض
تبنوا صدق وحب للحب اللى انتوا بتحبوه لبعض
وتحاولوا انكوا تنموا الحب ده بإنكوا تفكروا في بكره سوا
لأن الحب مش معناه انى اشوف حبيبتي وأقعد أقولها بحبك ومقدرش أعيش من غيرك وبس
لا
مش كده
في حاجات كتير ورا كلمة بحبك تثبت إنك بتحبها وهي بتحبك
انك كرجل لو مش بتشتغل تبدأ تدور وتموت
نفسك وتشتغل عشان في مستقبل وعش زوجية هتبنيه إنت وهي
وحياه تانية مستقلة مستنياك
جنة هتعيش فيها انت وهي وهتكون مسئول فيها
مسئول عن نفسك ومسئول عنها وعن بيتك
دنيا تانية حلوة وزي العسل
هتكون حلوة برضو إمتى
لو انت بتحبها بصدق
إنت اللى هتحدد
أما هيا
كمرأه عليها إنها تساعده في انها تحفزه وت
حسسه بجد إنها بتحبه ومقدرة اللى بيعملوا عشانها وتحفزه أكتر وأكتر
ده جانب في الحب وهو جانب مادي ملموس
-----------------------------------------
-------------------------------------------
في بقا جانب وهو من أهم جوانب الحب
الجانب اللذي يبنى على أساسه الحب
جانب الإحساس


كون إنك تحس بجد إن اللي بيحبك ده بيحبك أوي بجد
ده
شىء جميل أوي
بيتبني عليه حاجات كتير أوي
اللي بيحب حد بجد دائما بيبقى عاوز يحسسو انو بيحبو بجد
بيبقى عاوز يقولو دائما انا بحبك بأكتر من طريقة
ممكن يقولها مباشرة
ممكن ينفذها في حاجة :
يعمل حاجة اللى بيحبو بيحبها
يجيبلوا هدية يعبرلوا فيها إنو بيبحبو
يشوف ايه اللى حبيبو بيحبو ويعملوا
يبقى دائما عارف كل حاجة اللى بيحبوا بيحبها
ويحاول على قدر إستطاعته انو يجيبهالو
يشوف حبيبه محتاج ايه
وينفذه ويحاول لو مشقادر
يكون جمب حبيبه دائما
وانا بتكلم على الإحساس
فيكون جمبه مش لازقله يعني
لا
يخلى حبيبه يحس دائما إنو معاه حتى لو انت فعلا مش معاه
دائما تحسسه إنك معاه
في فرحه
في حزنه
في سعادته
في زعله
لو زعلتوا متقدرش تبعد عنو
وتجري وتصالحوا
تكون دائما وقف له هو وبس
تحسسو إنو ملكك أمير مملكتك
بصراحة انا مش هكمل تعمل ايه كمان لحسن اللى يقرا كلامي يفتكر انى بحلم ان في كده
لا
ده انا أساسا مقولتش حاجة لسة خااااااااااااااااااالص بجد
لكن اللى بقولو ده مش صعب ولكن من أسهل ما تتخيل
لو انت صادق مع حبيبك ده
كل الشعور ده هينتقل بسرعة
والحياه هتكون من أسعد ما ممكن أن تتخيل
وبس كفاية كده ....
بحبك
اسيبكوا بقا تشوفو الفيديو الجميل ده

الأحد، نوفمبر 22، 2009

عشان تعرفوني تعالوا إقرولي



الحب هو مفتاح الحياه
انا اخوكم عبد الحميد من مصر
محاسب - له جانب في الحياه باحث عن عمل
ناشط مد
ني وإجتماعي - له جانب في الحياه
كل حاجة في حياتي - لها جانب في الحياه
المهم إن حياتي هي حياه بها حياه وبلا حياه فاهمين حاجة ( لأ ) ولا أنا
المهم إني موجود إبقو تابعوني وتابعو حياتي بقا إن شاء الله